Reshjet e dëborës dhe temperaturat disa grade nen zero izolojnë mijëra banore te komunave malore te vendit. Ne qarkun e Dibrës janë te bllokuara rrugët qe te çojnë drejt komunës se Lurës, Kalasë se Dodes dhe Slloves. Krahas izolimit te plote, shume fshatra ne këto zona janë pa energji elektrike pasi stuhia me bore e dy ditëve me pare ka dëmtuar rrjetin elektrik. Kritike mbetet gjendja ne komunën e Macukullit ne Mat ku krahas shkatërrimit te shkollës 9-vjeçare, 30 banesave u është dëmtuar çatia. Sekretari i komunës akuzon krerët e prefekturës se Peshkopisë për neglixhence ndaj kësaj situate. Ndërkohë rreth 200 nxënës te shkollës te komunës se Macukullit do te mbeten pa mësim deri sa te ndërhyhet për riparimin e shkollës. Temperaturat ne këtë zone kane arritur ne minus 8 grade. Edhe me ne veri te vendit, ne Kukës e Tropojë janë te bllokuara nga dëbora komunat Shishtavec, Zapod, Arren, Gjykcaje dhe Lekbibaj. Trashësia e bores ne këto zona ka arritur ne gjysme metri. Ndonëse po punohet për largimin e dëborës, te bllokuara plotësisht janë edhe segmentet Kukës-Shishtavec dhe Kukës-Dibër. Ndërsa me zinxhirë është e kalueshme vetëm rruga e vjetër Kukës-Qafe Mali dhe Bajram Curri-Qafe Mali. Autostrada Durrës- Kukës nuk ka probleme ne qarkullim ne asnjë segment te saj. Edhe juglindja e vendit është përfshirë mot i keq. Dëbora dhe ngricat kane bllokuara fshatra te tere ne qarkun e Korçës. Komunat Vithkuq dhe Lekas ne Korçe janë tërësisht te izoluara nga reshjet e dëborës po ashtu edhe komunat "Çlirim", Barmash e Novosele ne rrethin e kolonjës. Prej tri ditësh shume fshatra janë pa energji për shkak te rrëzimit te shtyllave elektrike. Ndërkohë, segmentet Korçe-Voskopojë, Korçe-Dardhe dhe Korçe-Vithkuq janë te kalueshme vetëm me zinxhirë. Ndërsa rruga nacionale Korçe-Qafe Thane dhe Korçe-Kapshtice janë te kalueshme pa ndihmën e zinxhirëve. Edhe ne qarkun e Vlorës zona me problematike e Llogarasë nuk ka probleme ne qarkullim.