VLORË -Rrjedhja e gazit në impiantin e vendosur në automjet ka shkaktuar shpërthimin teksa makina tip Ford Focus me targa DR 8135 E ka qenë në lëvizje në dalje të fshatit të Panajasë në Vlorë. Nga shpërthimi kanë mbetur të plagosur Endri Karaboja dhe Eriselda Shehaj, nga qyteti i Durrësit, janë transportuar për në Spitalin e Vlorës.

Nga dëshmitë e mbledhura, por edhe nga provat rrethanore të shpërthimit, policia fillimisht dyshoi për një shpërthim me eksploziv, por pas verifikimeve nuk janë gjetur gjurmë eksplozivi, çka hodhi poshtë këtë pistë.