POGRADEC- Pesë të rinj kanë mbetur të plagosur si pasojë e një aksidenti rrugor në Pogradec. Një automjet u përplas me shtyllën, rreth orës 07:00 të mëngjesit, në dalje të qytetit. Pesë të plagosurit janë dërguar me urgjencë në spital për të marrë ndihmën e nevojshme mjekësore, ndërsa në gjendje më të rëndë mësohet se ndodhet drejtuesi i mjetit "Ford Fiesta", Xhoi Jacellari.

Dy vëllezërit e aksidentuar, Xhoi dhe Serxhio Jacellari janë djemtë e ish-deputetit të PD Besnik Jacellari, i cili u nda nga jeta para pak kohësh.

Policia e mbërritur në vendngjarje po punon për zbardhjen e shkaqeve të plota të aksidentit.