TIRANE- Lëvizja "Të pastrojmë Shqipërinë në një ditë" ka realizuar një fushatë pastrimi në zonën e Komunës së Parisit, duke përcjellë mesazhin për një vend më të pastër dhe një qytetari më të ndërgjegjshme. Koordinatori i lëvizjes, Ervin Shehaj ka thënë se kjo lëvizje do të zhvillohet çdo të diel, në zona të ndryshme të qytetit, nga ku pritet dhe kontributi qytetarëve.

Lëvizja ka për synim të përcjellë një mesazh sensibilizimi, që do të vazhdojë edhe me fillimin e lëvizjes së re "Të pastrojmë bregdetin në një ditë".