LEZHË - Zjarri ka shkrumbuar ambientet e brendshme të një kopshti fëmijësh në lagjen "Gurra", të qytetit të Lezhës.

Flakët kanë rënë rreth orës 15:30 minuta dhe fatmirësisht në ambientet e ndërtesës nuk ka pasur asnjë njeri, për shkak se ende nuk ka nisur puna pas pushimeve të festave të fund vitit.

Korrespondenti i A1 Report dhe Shqiptarja.com në Lezhë, Julian Hila, raporton nga vendi i ngjarjes së pranë kopshtit ka dhe shtëpi banimi afër dhe 2 zjarrfikëse janë duke punuar për shuarjen e flakëve.

Rreth orës 15:55 minuta zjarri ishte ende aktiv ndërsa ende nuk dihen shkaqet e rënies së flakëve.