TIRANE- Të hënën do të nisë shpërndarja e pagesave për personat me aftësi të kufizuar dhe për ndihmën ekonomike. Këtë e ka shprehur Ministri i Mirëqenies Sociale dhe Rinisë, Erion Veliaj, në Komisionin e Çështjeve Sociale dhe Shëndetësisë. Gjatë diskutimeve për projektbuxhetin e vitit 2014, ministri Veliaj tha se institucionin që ai drejton parashikohen 72.8 miliardë lekë, nga të cilat 20.1 miliardë lekë do të shkojnë për personat me aftësi të kufizuar.

"Të hënën nis shpërndarja e pagesave për invalidët. Buxheti i ri 23 përqind më shumë se vjet. 270 milionë lekë është fondi i programit të nxitjes së punësimit. Do të stimulojmë të diplomuarit në mësuesi që të punojnë në fshat", tha ministri Veliaj.