TIRANE - Duke folur pas inaugurimit të një rruge, kreu i Bashkisë së Tiranës Lulzim Basha, është pyetur nga gazetari i A1 Report, Arsen Rusta, nëse ai kishte ndonjë koment në lidhje me pallatin e kompleksit "Jon", deklaroi se kjo është një çështje juridike.

"Çështje për të cilat pronarët dhe banorët kanë ndihma juridike. Ata kanë çfartë për të thënë për këtë rast", tha kreu i bashkisë Basha.

Kreu i Bashkisë së Tiranës është njëkohësisht edhe dhëndërri i një prej pronarëve të pallatit në Vlorë, Xhafer Isufi. Qeveria ka marrë vendimin për shembjen e pallatit, ndërsa sot makineritë e INUK, kanë nisur punën për shembjen.