Agjencia për investime të huaja zgjodhi 19 promotorë ekonomikë që do të tërheqin investime të huaja nëpër botë. Promotorët do të kërkojnë investime nga Amerika e Jugut, Katari dhe Emiratet, si dhe më shumë vende evropiane, por edhe do t'i promovojnë mundësitë eksportuese të vendit. Në mesin e 19 promotorëve të zgjedhur, 4 janë shqiptarë.

"Nga gjithësej 19 promotorë ekonomik, 4 janë zgjedhur të bashkësisë etnike shqiptare dhe 1 ësht në procedurë, ndërsa 3 janë të bashkësisë etnike turke. Promotorët ekonomik të cilët i përkasin bashkësisë etnike shqiptare do të përfsqësojnë vendin tonë, apo më mirë thënë do të tërheqin investime të huaja në Belgjikë, në shtetet e Katarit, në Shqipëri dhe Kosovë si dhe në Holandë. Në procedurë është zgjedhja e punëtorit të 5 ekonomik për në Zvicërr", tha Muhamed Hoxha, zëdhënës i Qeverisë
Përkundër kritikave të opozitës se promotorët ekonomikë nuk japin rezultate, dhe se shteti në mënyrë të panevojshme shpenzon para për qëndrimin e tyre në botën e jashtme, Qeveria me qëndrim të kundërt.

"Të gjitha analizat të cilat i kemi bërë këtu në Qeverinë e Republikës së Maqedonisë në bashkëpunim edhe me agjencionet për investime të huaja, tregojnë se ky projekt i Qeverisë së Republikës së Maqedonisë, kjo iniciativë për dërgimin e promotorëve është e sukseshme, pasi që jemi dëshmitarë se në Maqedoni dita ditës po vijnë kompani të huaja nga vende të ndryshme të cilat vinë dhe investojnë në pjesë të ndryshme të vendit", deklaroi Hoxha

Maqedonia më së shumti promotorë do të dërgojë në Turqi edhe atë nga një në qytetet Stamboll, Ankara dhe Izmir, dy promotorë do të udhëtojnë për Gjermani, një në Bon dhe një që do t'i mbulojë Shtutgartin dhe Frankfurtin. Promotorët tjerë mbulojnë nga dy vende, gjegjësisht ai që do të shkojë për Serbi do ta mbulojë edhe Bullgarinë, ndërsa promotori i përzgjedhur për Shqipërinë do ta mbulojë edhe Kosovën. Natasha Stojanovska