فى أول أخبارنا النهاردة، تقرير خطير نشرته صحيفة الواشنطن تايمز الأمريكية امبارح عن نظرة الادارة الأمريكية والمخابرات المركزية الأمريكية للريس محمد مرسى عيسى العياط وعشيرته من جماعه الإخوان المسلمين، الأمريكان اللى بيحاول الريس مرسى طول الوقت يتغطى بيهم لدعم نظامه ، بس المتغطى بالأمريكان ايه ... ؟
عموما الخوف من أخونة الدولة اتنقل من الداخل للخارج .. وحسب تقرير الصحيفة
نقل عن مسؤولين فى الادارة الامريكية والمخابرات المركزية الأمريكية قلقهم من سعى الاسلاميين بقيادة محمد مرسى السيطرة على المؤسسات الأمنية فى مصر وأهمها المؤسسة العسكرية ووزارة الداخلية.
الأمريكان بنفسهم شايفين إن مرسى وجماعته وده حسب الصحيفة اللى نقلت عن المسؤولين الامريكان، بيحاول يسيطر على الجيش والداخلية لبسط سيطرته على مؤسسات الدولة بشكل كامل، جبنا احنا الكلام من عندنا ، الامريكان اللى بيقولوا
الصحيفة الامريكية كمان اكدت ان المسؤولين فى المخابرات والبيت الابيض عندهم قلق من خطورة السماح للإخوان والسلفيين بدخول الكليات الحربية والشرطية لان ده هيكون اولى خطوات السيطرة.. (سى جى تقرير الواشنطن تايمز)