اخر اخبار بلدنا هنبداها باخر تداعيات ازمة السولار في بلدنا اللي ماحدش فاهم لها راس من رجل.. وزير البترول بيقول لنا الانفلات الامني ورا الازمة وفي نفس الوقت بيغير قيادات في الهيئة العامة للبترول وشركة مصر للبترول.. في نفس الوقت ضحايا الازمة ما بين قتيل امبارح ومصاب النهاردة في معارك طوابير السولار.. دة غير ارتفاع اسعار الخضار والفاكهة بسبب وقف حال النقل.. غير المحاصيل الزراعية اللي بتبوظ في الارض لان الفلاحين مش لاقيين سولار يشغلوا بيه المكن اللي هيحصدوا بيه المحاصيل.. غير قطع الطرق احتجاجاً على الازمة غير اضراب سواقين الميكروباس لليوم التاني على التوالي