مازلنا في مصر. زي ماتبعنا يوم الجمعة الماضي .. خرج الالاف فيما أسموه بمليونية تطبيق الشريعة .. واللي شارك فيها العديد من القوى الاسلامية .. مطالبين بتطبيق الشريعة الاسلامية في مصر ..و ليس الاكتفاء بمبادئها فقط .. كما جاء في نص المادة التانية بمسودة الدستور.
ومع اقتراب نهاية فعاليات جمعة تطبيق الشريعة .. وقعت اشتباكات في شارع محمد محمود .. بين بعض المتظاهرين المطالبين بتطبيق الشريعة .. والعديد من الشباب اللي خرجوا في مظاهرة .. للتنديد بما فعله متظاهرو الشريعة بجرافيتي محمد محمود .. اللي بيحتوي على صور الشهداء .. وقيامهم بمسحه ورسم ايات قرأنية.
الفيديو اللي جاي تم تصويره عند مدخل شارع محمد محمود .. وبيظهر فيه جزء من الاشتباكات .. والقاء متظاهروا الشريعة الحجارة على المعارضين لمسح الجرافيتي. ورغم الأجواء المشحونة .. الا إنه في النهاية هدأت الإشتباكات ولم تقع أي اصابات بالغة من الطرفين.