أول خبر معانا اللي حصل إمبارح وتعليق جلسات البرلمان اعتراضا على عدم إقالة حكومة الجنزوري .. ثم الكلام عن رفض بعض النواب طريقة اتخاذ قرار تعليق الجلسات وبعدها انفجرت ماسورة الأخبار عن المجلس بإن الدكتور الكتاتني تلقى اتصال حول إقالة الحكومة خلال 48 ساعة استجابة لرغبة النواب .. بعدها قيل إن التغيير الوزاري محدود في بعض الوزارات فقط ثم قيل مرة أخرى أن الكتاتني لم يتلق أي اتصال أصلا وهلما جرة من الأخبار والحديث عن تغيير الحكومة أو على الأقل تبديل عدد من الوزراء فيها .. المشكلة إن مفيش حد عارف الحقيقة عند مين لحد ما طلع الدكتور الكتاتني ونفى وفقا لموقع اليوم السابع إنه يكون تلقى اتصال أو أي مكالمات عن إقالة الحكومة وبعدها بدأ الحديث عن تغيير وزاري محدود مرة تانية عشان ترضية النواب والموضوع يتلم .. خصوصا إن الكلام كتير عن إن المجلس العسكري لن يقيل الحكومة مهما عمل البرلمان عشان نعرف تفاصيل أكتر عن الموضوع ده معانا على التليفون أ. محمد منيب جنيدي عضو مجلس الشعب عن حزب الكرامة