يسعد مساكم وحلقة جديدة من بلدنا اللي بالمصري دونا عن كل لغات الدنيا الحية والميتة، اتحولت بقدرة قادر في اليومين اللي فاتوا وعلى حس انتخابات الرياسة، للسيرك القومي بكل فقراته بكامل عددها: من اول فقرة الحاوي للمشي على الحبل، للفقرات الاستعراضية والحركات البهلوانية، للنفخ في النار ختاما بفقرة "اسد انما ايه متوحش"وما حدش عاد عارف مين شجيع السيما ومين اللي وجهه هيبقى شوارع!!! على أي حال حلقتنا النهاردة هنبدأها كالعادة باخر اخبار بلدنا واولها اخبار السيرك القومي.. وبعد آخر الأخبار هنسأل سؤال عن الثورة واللي اتشددوا لها: فين من المولد دة اللي منظمه سيده وصاحبه غايب.. وهي فين من شغل التلات الورقات مع انها السنيورة؟!!! دة السؤال الأول.. أما السؤال التاني واللي هتجاوبنا عليه الدكتورة منال عمر استشاري الطب النفسي، فهيكون عن: الأمارة النفسية لكل من حط عينه على منصب "رئيس الجمهورية" وكان ومازال ليه شوق فيه!!!