يسعد مساكم وحلقة جديدة من بلدنا بالمصري.. هنبدأها بآخر الأخبار ومن بعدها ولحد آخر الحلقة مش هنسمع ولا هنشوف غير الحيطان اللي بقى لها صوت وصورة تسد عين الشمس والبركة في الثورة.

آخر أخبار بلدنا، هنبدأها من اسكندرية من منطقة النهضة في العامرية.. امبارح النائبة/ ماريان ملاك أكدت لنا ان وفد لجنة حقوق الانسان اللي بيزور العامرية النهاردة مش هيرجع الا لما يوصل لحل غير ان مواطن مصري واحد، مش 8 أسر، يتهجر من بيته أو يفارقه، بالغصب أو عن اقتناع ويدفع تمن جريمة ما ارتكبهاش وطز في القانون، والا تبقى الدولة سقطت مش لسة هتسقط (على حد تعبيرها).. الوفد وصل فعلاً العامرية وهنحاول نعرف تفاصيل عن نتايج الزيارة.. لكن تصريحات محافظ اسكندرية النهاردة بتأكد ان الوضع باقي على ما هو عليه عملياً، أما نظرياً فالمسميات هي اللي اختلفت.. تصريح الدكتور أسامة الفولي، محافظ الإسكندرية بالحرف هو: "لا نية للتهجير الجماعي لأقباط قرى العامرية.. ثم استدرك قائلاً ان: " عمليات نقل الأسر تمت بالتراضي وليس بالإجبار"