صباح الخير على جميع مشاهدينا .. وصباح الخير على مصر الحلوة .. مصر اللي عارفنها من كام ألف سنة .. مصر اللي عايشين فيها بدون فواصل .. عايشين فيها رغم كل مافيها .. فقر موجود .. ظلم موجود .. جهل موجود .. لكن في دايما حاجة أقوى من كل ده .. حبنا لبلدنا .. مصر اللي مش محتاجة دعم من حد مقابل الخضوع لشروط البنك الدولي .. مصر اللي بإيدين ولادها هتقدر تعلى وتعلى وترجع لمكانها اللي حرمنا منه خنوع وخضوع نظام المخلوع .. صباح الخير على أي مصري وعربي عارف أن مصر قلب العروبة .. وإن استقرارها ,, استقرار للشرق الأوسط وإن مصر لازم تفضل قلب الوطن العربي لأنها ببساطة أم الدنيا .. مش مزايدة ولا مكابرة .. كل الناس عارفة قيمة مصر إلا المصريين .. عشان كده بنقول ياريت كلنا نحافظ على البلد ومهما حاول أي حد يفرق بين أهلها ويخون شعبها هنقف ليه .. نبدأ حلقتنا كالعادة من مجموعة الأخبار اللي معانا ..