من جديد اهلا بحضرتكوا .. الاعتصامات والاحتجاجات اليومين دول، بقت تقريبا في كل مكان في مصر، مبقاش بيمر يوم الا لما نسمع عن اعتصام هنا واحتجاج هناك، وحصار لمؤسسة من مؤسسات الدولة .. من اعتصام المعلمين لاعتصام سواقين النقل عام ، مرورا بسائقين السرفيس وطلاب جامعة النيل ، وموضفوا وزارة الزراعة، والعاملين بالاثار، والادارين بتوع جامعة القاهرة، .. صحيح محدش ينكر أن الناس دي لها حقوق ومطالب مشروعة، لكن الخلاف اللى بيتقال هل ننتظر على ما عجلة الانتاج تدور وبعدين ندور على مطالبنا وحقوقنا، ولا ناخد حقوقنا الاول وعجلة الانتاج تدور برحتها ..
وما بين دول ودول نلاقي ان تبادل اتهامات بين القوى السياسية ، يعني مثلا الاخوان المسلمين شايفين أن قوى اليسار هي اللى بتحرك الاضرابات والاعتصامات اللي بتحصل اليومين دول، وقوى اليسار شايفة ان دي ابسط حقوق العمال وان الاخوان مواقفهم اتغيرت لأنهم اصبحوا في الحكم ...
على أي حال محدش يقدر يمنع المواطن من حقة في الاعتصام السلمي المشروع لكن لما يتحول الاعتصام لتعطيل مصالح البلد ووقف الحال والنيل من هيبة الدولة يبقا بالتأكيد فيه خلل ..
احنا هناقش الموضوع دا مع ضيوفنا الكرام ونشوف هل يا ترى هتستمر الاعتصامات دي في الايام الجاية ولا هتقل شوية .. بنرحب بالنائب محمد عماد الدين القيادي بالحرية والعدلة والنائب السابق بالبرلمان، والاستاذه فاطمة رمضان نائب رئيس اتحاد النقابات المستقلة