الخبر التاني من قرار المستشار الدكتور محمد عطية، وزير التنمية المحلية الاستعانة بشباب الثورة، وتكوين لجان شعبية منهم للاشتراك مع الشرطة والجيش فى تأمين انتخابات مجلسى الشعب والشورى .. القرار ده أثار لعديد من ردود الأفعال بين المحافظين ما بين مؤيد ومعارض. طب المؤيد يشكر لأنه وافق وعارف دور اللجان دي الرافض بيرفض ليه .. يا سيادة المحافظ ياللي رافض الاستعانة باللجان الشعبية .. اللجان دي هي اللي حمت البلد وقت ما الباشوات بتوع الداخلية باعوها وسابوها تولع وناموا في بيوتهم .. لولا الشباب دي كانت ناس كتير ماتت
اقولك شوية ردود أفعال .. اللواء أحمد زكى عابدين، محافظ كفر الشيخ، وصف القرار بالمغامرة غير مضمونة العواقب، التى قد تؤدى إلى نتائج سلبية، لافتا إلى أن هذا القرار قد يحفز بعض العناصر الأخرى إلى التقدم من أجل المشاركة فى تلك اللجان والتى من الصعب معرفة ميل اتجاهاتها، سواء أكانت سياسية أو دينية وقال إنه هيرفض اللجان دي .. ورأي عابدين اتفق معاه الدكتور عادل زايد، محافظ القليوبية، وقال إنه من الصعب التأكد من انتماءات هؤلاء الأشخاص. مش عارف اعلق أقول ايه .. ادوا الشباب فرصة.