والظاهر كدة إن وزير الداخلية قرر النهاردة يقول للناس اللي مسربعة: "حلمكوا شوية والصبر جميل" بما إنه أعلن النهاردة عن إصدار حركة تنقلات الشرطة السنة ديه في نص الشهر دة، وأكد إنها هتكون أكبر حركة في تاريخ وزارة الداخلية، وهتتم على مرحلة واحدة وهتشمل قيادات الوزارة وكل الظباط.. وقال بالحرف الواحد أن الحركة هتمثل تطهير لوزارة الداخلية بشكل كامل، وهتشمل إقصاء مئات اللواءات وتصعيد الرتب المتوسطة بدالهم.. وأكد إنه خد في اعتباره كل المقترحات اللي طرحها عليه شباب الثورة تقوية جهاز الشرطة من جديد وكسب ثقة المواطن وما له من انعكاسات إيجابية على الأمن والاستقرار في البلاد.