من جديد رجعت الأجواء السخنة لميدان التحرير وجميع ميدان مصر مرة تانية .. النهارده وزي ما حضرتكوا تابعتو شهد ميدان التحرير وبعض الميادين الاخرى مليونية اطلق عليها مليونية " العداله" .. للمطالبة باعادة محاكمة مبارك ونظامه وتطبيق قانون العزل السياسي واقالة النائب العام ..اليوم 5 يونيو 2012 .. يوم الرسائل .. ان جاز لينا التعبير .. رسائل من المجلس العسكري اللي اجتمع مع الاحزاب السياسية وطلب منها التوافق على تشكيل الجمعية التأسيسية خلال 48 ساعة او التلويح بحلول بديلة منها منها العودة لدستور 71 ..وهنا الرسالة وان كان الاجتماع مع قيادات احزاب إلا ان الرسالة في الاساس كانت موجهة لجماعة الإخوان المسلمين اللي قاطعت اجتماع اليوم وكان ردها من خلال الدكتور سعد الكتاتني اللي شدد على ان البرلمان هو الوحيد الذي يملك سلطة التشريع، رسالة تالتة وهي موجهة للجميع وهي مليونية العدالة اللي وجهت رسالتها للجميع بإن التحرير لسه موجود وده اللي أكده الشعارات اللي قالها المتظاهرين. قوة .. عزيمة .. إيمان .. الثورة لسه في الميدان .. هنقرا في أهداف مليونية اليعدالة الثورية