السلام والتحية على حضراتكم وأهلا بيكم النهاردة بدأنا اول يوم من مرحلة الصمت الإنتخابي والمقرر ليها النهاردة وبكرة وإلتزم جميع المشرحين بوقف حملاتهم ودعاياتهم الإنتخابية لكن للأسف شوفنا بردوا بعض أنواع اختراق هذا الصمت زي مثلا الإعلان الكبير اللى فوجئنا بيه النهاردة منشور في الصفحة الأخيرة لجريدة الجمهورية للفريق أحمد شفيق المرشح للرئاسة ، الغريب إن جريدة الجمهورية نفسها نشرت على صدر صفحتاه الأولى عنوان "سكوت".. مصر تختار الرئيس بعد 48 ساعة دليل على الصمت الإنتخابي وفي نفس الوقت في صفحتها الأخيرة نشرت إعلان شفيق، كمان صحيفة الأخبار هي كمان كانوا من مخترقي الصمت الانتخابي .