GRUPO DI BETICO CU EXITOSO PRESENTACION DEN ANTILLEN FESTIVAL NA HULANDA

Diabierna y Diasabra Grupo Di Betico a presenta nan Concierto Di Alegria na Tropentheater na Amsterdam y na Concertgebouw De Doelen na Rotterdam. Ambos anochi e salanan tawata completamente yen di Arubiano, Antiyano, y Hulandesnan cu a disfruta enormemente di e ambiente y e calor di nos isla pa medio di e dushi musica di Grupo Di Betico. Hopi ta esnan cu a lanta baila y canta na momento cu e grupo a presenta nan exitonan manera Alegria, Nos Kier Ta Mey Mey, Contento, Paranda Arubiano y Faya Bo Haya. Durante e anochinan di e Antillen Festival tawata tin presentacion di diferente gruponan di caribe manera Izaline Calister, Randall Corsen, La Ritmica, y otronan. Grupo Di Betico a sa di representa e folklore y cultura Arubano dignamente un biaha mas y ya ta ser papia di un pronto regreso di e grupo pa mas presentacionnan den Europa.