MAA Association Warning to YouTubers and Trollers : ఇన్​ఫ్ల్యూయెనర్స్​, మీమర్స్​, యూట్యూబర్స్​కు ఇది చేదువార్త. ఇకపై నటీనటుల వ్యక్తిగత జీవితాల పట్ల తప్పుగా వీడియోలు ట్రోల్స్​ చేస్తే కటకటాలు లెక్కపెట్టాల్సిందే. ఆ దిశగా కఠిన చర్యలు తీసుకునేందుకు తెలుగు మూవీ ఆర్టిస్ట్​ అసోసియేషన్​ సిద్ధమైంది. ఇప్పటికే 25 యూట్యూబ్​ ఛానల్స్​ను పూర్తిగా టెర్మినేట్​ చేయించిన మా అసోసియేషన్​, మరో 200కు పైగా ఛానల్స్​ను గుర్తించినట్లు వెల్లడించింది. ఈ మేరకు ఆయా యూట్యూబర్స్​, ట్రోలర్స్​పై మా అసోసియేషన్​ తెలంగాణ డీజీపీకి ఫిర్యాదు చేసింది. మా సభ్యులు సీనియర్​ నటులు శివకృష్ణ, రాజీవ్​ కనకాల, శివబాలాజీ లక్డీకాపూల్​లోని డీజీపీ కార్యాలయంలో డీజీపీ జితేందర్​ను కలిసి ఫిర్యాదు చేశారు.