ألحان بليغ حمدي
كلمات محمد حمزة
إنتاج 1971
*******************************************
وابتدا ابتدا المشوار

وآه يا خوفي من آخر المشوار آه يا خوفي

جنة ولا نار آه يا عيني

رايح وأنا محتار آه يا خوفي

واتقابلنا والحياة قدام عنينا حلوة

واتقابلنا والكلام فوق الشفايف غنوة

كل حاجة فكرت فيها فى لحظة واحدة ردت عليها

بنظرة حلوة من عينها

الامان فى عنيها حسيت أني عديت للامان

الحنان خد مني وادفى ياللي محروم من الحنان

والقمر طلع والخوف بعد والهوى دفي والليل سمع

أمانة يا دنيا أمانة تاخدينا للفرحة أمانة

وتخلي الحزن بعيد عنا وتقوللي للحب استنانا استنى

ميل وحدف منديله

شوف بقينا فين يا قلبي

وهي راحت فين

شوف خدتنا لفين يا قلبي وشوف سابتنا فين

فى سكة زمان راجعين فى سكة زمان

فى نفس المكان ضايعين فى نفس المكان

لا جراحنا بتهدا يا قلبي

ولا ننسى اللى كان يا قلبي شوف

بتصحي الطريق خطاوينا وأنين السنين

والسما بتبكي علينا والناي الحزين

حتى نجوم ليالينا والقمر غايبين

وتاني تاني تاني، راجعين أنا وانت تاني،

للنار والعذاب من تاني.

وتاني تاني تاني، راجعين للحيرة تاني،

هايمين بنجري ورا الأماني.

وتاني تاني تاني، راجعين أنا وانت تاني،

للنار والعذاب من تاني.

وتاني تاني تاني، راجعين للحيرة تاني،

هايمين بنجري ورا الأماني.

وتاني تاني تاني، راجعين أنا وانت تاني،

للنار والعذاب، من تاني من تاني من تاني.

وتاني تاني تاني، راجعين أنا وانت تاني،

للنار والعذاب، من تاني من تاني من تاني.

ويغيب القمر ونعيش السهر

وآهات الألم فى ليالي الندم.

وأمانة يا دنيا أمانة، تاخدينا للفرحة امانة.

وتخلي الحزن بعيد عنا،

وتقولي للحب استنى، استنى.

ميل وحدف منديله، كاتب على طرفه اجيله.

وأمانة يا دنيا أمانة، تاخدينا للفرحة امانة.

وتخلي الحزن بعيد عنا،

وتقولي للحب استنى، استنى.