Munyenyezi Béatrice ukurikiranyweho ibyaha birindwi birimo bitanu bya Jenoside yakorewe Abatutsi mu 1994 na bibiri byibasiye inyokomuntu yagejejwe mu Rwanda yoherejwe na Leta Zunze Ubumwe za Amerika aho yari yarahungiye.


Akurikiranyweho ibyaha birindwi aribyo: Kwica nk’icyaha cya Jenoside, Gucura umugambi wo gukora Jenoside, Gutegura Jenoside, Gushishikariza abantu ku buryo buziguye cyangwa butaziguye gukora Jenoside, Ubufatanyacyaha muri Jenoside, Kurimbura nk’icyaha cyibasiye inyokomuntu n’Ubufatanyacyaha mu gusambanya ku gahato nk’icyaha cyibasiye inyokomuntu.

Nyuma yo kugezwa ku Kibuga Mpuzamahanga cy'Indege cya Kigali i Kanombe, yashyikirijwe Urwego rw'Igihugu rushinzwe Abinjira n'Abasohoka mbere yo gufatwa n'Urwego rw'Igihugu rw'Ubugenzacyaha, RIB.

Munyenyezi yahise ajyanwa gufungirwa kuri Sitasiyo ya RIB ya Remera aho agomba gukorerwa dosiye mbere yo gushyikirizwa Ubushinjacyaha.

Subscribe: https://www.youtube.com/IgiheTV?sub_confirmation=1
Facebook: https://web.facebook.com/igihe
DailyMotion: https://www.dailymotion.com/igihetelevision
Twitter: https://twitter.com/IGIHE
Instagram: https://www.instagram.com/igiheofficial
Flickr: https://www.flickr.com/photos/igihepictures/
Website: http://igihe.com/

#IGIHE #Rwanda