Shah Ast Hussain Badshah Ast Hussain
Deen Ast Hussain Deen Panaah Ast Hussain
Sar Daad Na Daad Dast Dar Dast E Yazeed
Hakkaake Binaaye La Ilaha Ast Hussain


Yeh Baat Kis Kadar Haseen Jo Keh Gaye Moinuddin
Ke Deen Ki Panah Hussain Hai, Mera Hussain Hai
Mera Badshah Hussain Hai


Aman Ka Mehromah Bhi Joh Shahon Ka Hai Shah Bhi
Aisa Badshah Hussain Hai, Mera Hussain Hai
Mera Badshah Husain Hai


Kare Koi Joh Hamsari Kisi Ki Kya Majaal Hai
Hussain Har Lihaaz Se Jahan Mein Bemisal Hai
Yeh Ho Chuka Hai Faisla Na Koi Dusra Hasan
Na Koi Dusra Hussain Hai, Mera Hussain Hai
Mera Badshah Husain Hai


Hidayat-e-hussain Par Amal Karo Aye Mominon
Rahenge Hum Bahisht Mein Yakeen Rakho Aye Mominon
Qubool Hogi Har Dua Kisi Se Kyun Darein Bhala
Hamara Waasta Hussain Hai, Mera Hussain Hai
Mera Badshah Hussain Hai


Duaon Mein Nidaon Mein Joh Wasta Isse Banaega
Bahisht Ki Joh Raahon Ka Rasta Isse Banaega
Na Waaste Mein Tod Hai Na Raaste Mein Mod Hai
Aisi Sidhi Raah Hussain Hai, Mera Hussain Hai
Mera Badshah Hussain Hai


Kaza Ke Baad Fir Mujhe Nayi Hayaat Mil Gayi
Azaab Se Itaab Se Mujhe Nijaat Mil Gayi
Sawal Jab Kiya Gaya Hai Kaun Tera Paishwan
Toh Maine Keh Diya Hussain Hai, Mera Hussain Hai
Mera Badshah Hussain Hai


Shaheed e Karbala Ka Gham Jisse Bhi Na-Gawaar Hai
Wo Bad’amal Hai Bad’nasab Ussi Pe Be-shumar Hai
Arey Oh Dushman-e-azal Tu Mar Zara Qabar Mein Chal
Pata Chalega Kya Hussain Hai, Mera Hussain Hai
Mera Badshah Hussain Hai


Karega Joh Mukhalifat Ghame Hussain Ki Yahaan
Woh Hoga Hashr Hashr Mein Ke Al-Hafiz o Al-Amaan
Jahan Bhi Chupne Jayega Kahin Bhi Bach Na Payega
Ke Har Jagah Mera Hussain Hai, Mera Hussain Hai
Mera Badshah Hussain Hai