ભારતના વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગે મંગળવારે G20 સમિટ ઇવેન્ટમાં હાથ મિલાવ્યા હતા. સરહદી તંગદિલીને લઈને બંને દેશો વચ્ચેના તણાવપૂર્ણ સંબંધો વચ્ચે બંને નેતાઓની આ બેઠકે લોકોનું ધ્યાન પોતાની તરફ ખેંચ્યું હતું. ઈન્ડોનેશિયાના રાષ્ટ્રપતિ જોકો વિડોડોએ G-20 પ્રતિનિધિઓ માટે સ્વાગતમાં રાત્રિભોજનનું આયોજન કર્યું હતું. આ કાર્યક્રમનું મીડિયા માટે જીવંત પ્રસારણ કરવામાં આવ્યું હતું, જેમાં બંને નેતાઓ હાથ મિલાવતા જોવા મળ્યા હતા.

G-20 સમિટની બાજુમાં બંને નેતાઓની સંભવિત દ્વિપક્ષીય બેઠક અંગે અટકળો વહેતી થઈ હતી. પરંતુ બંને પક્ષો દ્વારા વહેંચાયેલ એજન્ડામાં આવી કોઈ બેઠકનો ઉલ્લેખ નથી.