ભાવનગર ખાતે ગોહિલવાડ રાજપૂત સમાજ દ્વારા યોજાયેલ ક્ષત્રિય યુવા સંમેલનમાં ક્ષત્રિય સમાજના પ્રમુખ વાસુદેવસિંહ ગોહિલે જણાવ્યું હતું કે આગામી વિધાનસભાની ચૂંટણીમાં જે પક્ષ અમને 3 બેઠકમાં ટિકિટ નહિ આપે તેની સામે અમે જંગે ચડીશું. આ પ્રસંગે પધારેલા આત્માનંદ સ્વરૂપ સ્વામીએ પણ કહ્યું હતું કે ક્ષત્રિય સમાજ એ દેશની રક્ષા કરનારા સમાજ છે. ક્ષત્રિય સમાજ સુરક્ષિત રહે, શિક્ષિત બને અને દીક્ષિત બને તે માટે યોજાયેલા આ સંમેલનને હું આવકારું છું. ગોહિલવાડ રાજપૂત સમાજના પ્રમુખે કહ્યું હતું કે 10 વર્ષથી એક પણ અમારો ધારાસભ્ય નથી ખાસ કરીને ભાજપ પાસે અમારી માંગ છે કે અમને 3 બેઠક પર ટિકીટ આપે. આ સંમેલનમાં ક્ષત્રિય સમાજના આગેવાનો તેમજ કોંગ્રેસ, ભાજપ અને આપ સાથે જોડાયલા તમામ ક્ષત્રિય સમાજના લોકો હાજર રહ્યા હતા.