आज देशभरात प्रजासत्ताक दिन मोठ्या उत्साहात साजरा केला जात आहे. मात्र राज्यात एसटी कामगारांवर भीक मागण्याची वेळ आली आहे. गेल्या अनेक दिवसांपासून एसटी कामगारांचे आंदोलन सुरू आहे. मागण्या मान्य होईपर्यंत आंदोलन सुरूच ठेवण्याचा इशारा देण्यात आला आहे. यासोबतच प्रजासत्ताक दिनानिमित्त कर्मचाऱ्यांनी भीक मागण्याचे आंदोलन सुरू केले होते. हातात फलक घेऊन रस्त्यावर उभे असलेले हे एसटी लोकांकडून भीक मागत आहेत. मुंबई, पुणे, उस्मानाबाद, हिंगोली, रत्नागिरी, जळगाव जिल्ह्यासह राज्यभरात अनेक ठिकाणी आंदोलन केलं गेलं. 'सरकार आमच्याकडे जाणीवपूर्वक दुर्लक्ष करतंय, हे आमचं दुर्दैव आहे. असं एसटी कर्मचारी म्हणाले आहेत. आमचा आवाज ठाकरे सरकार पर्यंत पोहोचत नाही आहे. या सरकार वर आमचा विश्वास राहिला नाहीय. यामुळे आमच्यावर भीक मागण्याची वेळ आली आहे. असा आरोप एसटी कर्मचाऱ्यांनी केला आहे. एसटी कामगारांचे गेल्या 80 दिवसांपासून विलीनीकरणाच्या मागणीसाठी राज्यभरात आंदोलन सुरू आहे.मात्र यावर अद्याप तोडगा निघालेला नसून यामुळे राज्यात 80 हून अधिक एसटी कामगारांचा बळी गेला आहे.