खापा (जि. नागपूर) : कन्हान नदीवर तीन मित्र पोहायला गेले असता पाण्याच्या प्रवाहात वाहत जाऊन एकाचा बुडून मृत्यू झाला. ही घटना खापा येथील कन्हान नदीवरील हनुमान घाट परिसरात घडली. योगेश रमेश गोखे (वय ११, रा. लांबटपुरा, खापा) असे मृताचे नाव आहे. पोलिसांनी दिलेल्या माहितीनुसार, खापा येथील हनुमान घाट परिसरात कन्हान नदीवर गुरुवारी दुपारी तीन वाजताच्या सुमार तिघे मित्र पोहायला गेले. पोहता पोहता योगेश खोल पाण्यात गेला असता त्याला बाहेर येणे कठीण झाले. तो पाण्याच्या प्रवाहात वाहून गेला. त्यावेळी एका मित्राने त्याला वाचविण्याचा प्रयत्न केला; पण पाण्याच्या तीव्र प्रवाहाने गटांगळ्या खात तो वाहून गेला. त्याचे मित्र घाबरून घरी परत आले. सायंकाळी योगेश घरी परत न आल्याने त्याच्या आई-वडिलांनी शोधाशोध केली. पण कुठेच दिसून न आल्याने खापा पोलिसांत तक्रार दाखल केली. खापा पोलिसांनी घटना दाखल झाल्यावर शोध घेतला असता योगेशचे नदीकाठावर कपडे आढळून आले. खापा पोलिसांनी योगेशचा शोध घेणे सुरू केले. पण योगेशचा पत्ता लागत नसल्याने खापा पोलिसांनी नागपूर येथून ‘रेस्कू टिम’ला पाचारण केले. शुक्रवारी रेस्कू टिमने शोधमोहीम सुरू केली. कन्हान नदीच्या रामडोंगरी घाटावरील नदीकाठावर सायंकाळी पाच वाजतीच्या सुमारास योगेशचा मृतदेह आढळून आला. खापा पोलिसांनी मृतदेह उत्तरीय तपासणीसाठी पाठविला. खाप्याचे ठाणेदार ऐकरे यांच्या मार्गदर्शनात‍ बारई मेजर तपास करीत आहे.
#Nagpur #Drowning #Boy #Friends #River

Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.