#JoVetëmModë #OrindaHuta #TvKlan | Një zbulim i vazhdueshëm i gjithçkaje të bukur që na rrethon. Një takim me artizanë, artistë, arkitektë, historianë, politikanë, sportistë, stilistë vjen plot hijeshi nëpërmjet objektivit të ?Jo vetëm modë?.

E teksa të rinjtë janë të varur pas teknologjisë dhe gjërave të reja, ka nga ata njerëz që kërkojnë të ruajnë traditën e vendit. E tillë është edhe Tereza Gega. Artiste e tezgjahut, ajo ka treguar për emisionin ?Jo Vetëm Modë? se ka marrë çmime të ndryshme për veshjet e saj. Por më i rëndësishmi për të është bekimi i Papës gjatë vizitës që pati në Tiranë.

?Unë kam marrë çmimin e tretë në Ballkan. Titulli mjeshtër gjithashtu. Më e mira është bekimi i Papës sepse unë iu bëra veshjet e gjithë ceremonisë kur erdhën në Tiranë. Të gjithë ata prifta kanë qenë të veshura me veshjet e mia?, tha ajo.

Gega tregoi të gjithë gjërat e vjetra që mban edhe pse nuk përdoren më. Ndër gjërat më të veçanta ishte një arkë e vjehrrës së saj që mund të jetë deri në 200 vjet e vjetër.

?Unë jam shumë e dhënë pas gjërave të vjetra sepse po i hedhin dhe unë i kam blerë vetë me lekë. Janë gjëra të papërsëritshme. Kjo arkë është e vjehrrës sime që ia ka dhuruar nëna vet. Mund të jetë 200-vjeçare edhe më e vjetër. Punime me dorë. Është pelerinë, një gazetare që ma ka kërkuar me kapuç. Këto janë kostume kombëtare. Janë të preferuar?, tha ajo. /tvklan.al

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/