Për një muaj rresht, një 14-vjeçare nga fshati Vërdovë i Pogradecit dyshohet se është mbajtur me forcë, dhunuar dhe përdhunuar nga një 46-vjeçar. Blerim Bizgjoni e ka marrë vajzën më 30 Korrik, ditën e Bajramit, me pretendimin se do e mbronte për shkak se prindërit e të miturës vuajnë nga probleme mendore.

Ai e ka mbajtur gjithë natën vajzën në ballkonin e shtëpisë së tij të lidhur, duke e kërcënuar se do ta hidhte nga ballkoni. E mitura ka rrëfyer në polici se Bizgjoni e detyronte të qëndronte në banesën e tij nën kërcënimin se do t?i vriste babain dhe se kishte shokë në polici. 14-vjeçarja ka mundur të dalë nga banesa vetëm 2 ditë më parë, kur edhe ka shkuar menjëherë të bëjë denoncimin.

Në dëshminë e saj vajza ka treguar se përdhunimet e vazhdueshme kanë ndodhur në dhomën bashkëshortore të 46-vjeçarit, i cili i kërkonte të ngrihej natën pa bërë zhurmë dhe t?i shkonte në dhomë. Autori, i cili është i martuar dhe ka një vajzë shoqe me 14-vjeçaren, është arrestuar dhe ka pranuar veprën penale.

Ndonëse jetonin në të njëjtën banesë, bashkëshortja e autorit nuk ka mundur të dëshmojë në polici për shkak të një aksidenti, nga i cili ka mbetur invalide dhe nuk mundet të flasë.

Një detaj tjetër që po hetohet është se vajza ka rrëfyer se ditën kur ka shkuar në shtëpinë e Bizgjanit, atje ka qenë një vajzë tjetër, të cilën ai e kishte larguar nga shtëpia po atë ditë.

Një banor i Verdovës thotë se për autorin ka patur edhe më herët denoncime.

?Denoncime ka patur. Mostër është, duhet të mos jetë fare në fshat?.

Burime konfidenciale pohuan se 46-vjeçari dyshohet se pas përdhunimit do ta trafikonte 14-vjeçaren.

Tv Klan

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/