#tvora #rtvoranews

Hetuesit kanë vijuar kërkimet për zbardhjen e rrethanave të vrasjes së 23-vjeçares Eglantina Buci, nga ku është zbuluar se e ndjera ka qëndruar për 8 muaj në qendrën kombëtare të viktimave të trafikut. Vendosja pranë kësaj qendre u bë pasi denoncoi të dashurin se e shfrytëzonte për prostitucion. Nga ana tjetër familjarët e 23-vjeçares kanë kërkuar pranë policisë eshtrat e saj me qëllim për ti varrosur në një vend.

Policia dhe prokuroria janë duke vijuar hetimet për zbardhjen e rrethanave të vrasjes së 23-vjeçares Eglantina Buci, nga babai dhe vëllai Faik e Shkëlzen Buci.

Hetuesin kanë arritur të zbardhin detaje të reja nga jeta e vajzës, që datojnë në vitin 2009, ku e ndjera ka qëndruar për rreth 8 muaj në Qendrën Kombëtare Të Viktimave Të Trafikut.

Vendosja e 20-vjeçares në atë kohë pranë kësaj qendre është bërë pas denoncimit që ajo i kishte bërë të dashurit të saj me inicialet B.D të cilin e akuzonte se i kishte vjedhur rreth 5 milionë lekë të vjetra dhe se e shfrytëzonte për prostitucion.

Në të njëjtën kohë që ajo akuzonte të dashurin për vjedhjen e parave, familja e Eglantinës e akuzonte atë për vjedhjen e parave pasi kishte në plan të largohej jashtë vendit.

Për gjithë këto akuza të ngritura ndaj palëve, deklarimet u morën nga komisariati nr.5 dhe 6, ndërsa dëshmitë e tyre sot është e vështirë të gjenden.

Eglantina pasi është larguar nga qendra kombëtare e viktimave të trafikut ka refuzuar të rikthehet në banesën e babait, me pretendimin se ai ishte martuar me një grua tjetër.

Në periudhën në vijimin Elgantina ka qëndruar tek shtëpia e xhaxhait Bashkim Buci.

Ky i fundit i është drejtuar ditët e fundit policisë dhe prokurorisë për tërheqjen e eshtrave të mbesës me qëllim për ti varrosur në një vend.

Mësohet se policia ka refuzuar miratimin e kthimit të eshtrave pasi janë pjesë e dosjes dhe hetimet po vijojnë.

Nga ana e bluve është deklaruar që një veprim i tillë mund të bëhet vetëm me vendim të prokurorit, i cili mund ta miratojë pas mbylljes së hetimeve.

Gjatë kësaj kohe hetuesit kanë vijuar me marrjen e dëshmive të të gjithë familjarëve dhe personave të afërt për të zbuluar më shumë të dhëna, por dhe prova që vërtetojnë vrasjen e 23-vjeçares Buci.

Deri në këtë fazë të hetimeve, si autor të vrasjes janë arrestuar Faik dhe Shkëlzen Buci, të cilët para gjykatës kanë mohuar përfshirjen në krim.
Për më shumë lexoni në:
https://www.oranews.tv/hetimet-eglantina-buci-qendroi-8-muaj-ne-qendren-e-viktimave-te-trafikut-familjaret-kerkojne-eshtrat/

Follow TV Ora dhe RTV Ora News

Subscribe To "Ora News" on YouTube Channel for NEWS HERE: http://bit.ly/2DDddtL

Subscribe To "Ora News" on YouTube Channel for TV Shows HERE http://bit.ly/2sPcqj3

For more content from click HERE www.oranews.tv

Like Ora News on Facebook HERE http://bit.ly/2RkUN4s

Follow Ora News on Instagram Here http://bit.ly/2HBuiID

Follow Ora News on Twitter http://bit.ly/2RhOaQp

Për më shumë na ndiqni në: www.oranews.tv