கடந்த சில மாதங்களாகவே ரஃபேல் விவகாரம் நாடாளுமன்றத்திலும் நாடாளுமன்றத்துக்கு வெளியிலும் பேசப்பட்டு வந்தாலும், இப்போது சூடுபிடித்திருக்கக் காரணம்... இந்த ஒப்பந்தம் கையெழுத்தானபோது பிரான்ஸ் அதிபராக இருந்த பிரான்ஸ்வா ஹோலாந்த், சில நாள்களுக்கு முன்பு போட்ட குண்டு. ‘‘இந்த ஒப்பந்தத்தின்படி டஸோ நிறுவனத்தின் இந்தியப் பங்குதாரராக ரிலையன்ஸ் டிஃபென்ஸ் நிறுவனத்தை இறுதி செய்தது இந்திய அரசுதான்’’ என்று அவர் கூறியதுதான் எதிர்க்கட்சிகள் இப்போது அனல் கக்கக் காரணம்.

ரஃபேல் ஜெட் போர் விமானத்தின் தரம் குறித்தும் திறன் குறித்தும் யாருக்கும் சந்தேகம் இல்லை. ஆனால், ரஃபேல் பேர விவகாரத்தில் ஆரம்பம் முதலே ரவுசு கட்டும் மர்மங்கள் ஏராளம். இவற்றில் எந்த மர்மத்துக்கும் மத்திய அரசு பதில் தர மறுப்பதுதான் சந்தேகத்தை இன்னும் அதிகமாக்குகிறது.

#rafaletwist #rafaleplane #rafale #rafaleissue #rafaledealcontroversy