الا يا خلي ساعدني
كلمات : بدر بن عبد المحسن
الحان : طلال مداح

تذكرتك و ابي النسيان الا يا خلي ساعدني
ترى مالي من الذكرى الا ضاع الامل خيرة

انا ودي على الفرقا حبيبي لو تعاهدني
ولا شفتك تصد و لا تجيب لما مضى سيرة

تخير غير هذي الارض مكانٍ به تواعدني
تخير لك زمان صعب اعرف ف يوم تقديره

عسى الجرح الذي يدنيك اشوفه عنك يبعدني
أنا الي اكرهك و احبك شعوري صعب تفسيره

حسيبك يا الهوى الظالم حسيبك لا تعاندني
بيلقى صاحبي غيري و بالقى في العرب غيره

انا مالي بها الدنيا حبيباً عنه تنشدني
غريب الدار لا ربع و لا خلي و لا ديره