Bashkimi Evropian pritet të miratojë përdorimin e ilaçit antiviral Remdesivir për trajtimin e pacientëve me Covid-19, mbi moshën 12 vjeç.


Ndërkohë, zyrtarët në Bruksel kanë filluar negociatat me Gilead Sciences për të siguruar dozat e ilaçit për vendet anëtare të bllokut. Lëvizja vjen pasi Departamenti Amerikan i Shëndetësisë tha se kishte blerë mbi 500 mijë kura që përbënin 100 përqind të prodhimit të Gilead për korrikun dhe 90 përqind për gushtin dhe shtatorin. Ekspertët dhe aktivistët e dënuan lëvizjen duke thënë se kjo do të dëmtonte përpjekjet e vendeve të tjera të botës për të siguruar dozat e ilaçit antiviral.

Komisioni i BE-Së tha se ka ndjekur nga afër zhvillimet në SHBA dhe se është po ashtu në bisedime me Gilead për kapacitetet e tij prodhuese. Komisionerja Stela Kiriakides ka marrë pjesë në disa seanca diskutimi me prodhuesin Gilead, tha një zëdhënës. Komisioni po ashtu është në negociata me Gilead për të rezervuar dozat e Remdesivirit për vendet anëtare. SHBA shkaktoi jo pak zemërim të mërkurën, kur efektivisht bllokoi të gjithë furnizimet e botës me Remdesivir që prodhohet ekskluzivisht nga Gilead. Remdesivir është një ilaç antiviral eksperimental i krijuar dhe prodhuar nga Gilead në 2009-ën. Ai u krijua fillimisht për të trajtuar hepatitin C, por rezultoi jo efikas.

Që atëherë është përdorur për të trajtuar Ebolën, por nuk ka funksionuar as ndaj saj. Pavarësisht kësaj, Remdesiviri më pas tregoi rezultate premtuese në luftimin e Sarsit dhe Mersit, sëmundje këto të shkaktuara nga koronaviruse, dhe studimet tek kafshët kanë treguar se ai redukton kohën e shërimit tek pacientët në gjendje serioze. Kostoja e Remdesivirit është rreth 3200 dollarë për trajtim me gjashtë dozash, sipas qeverisë amerikane.

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#BE#Remdesivir#TopChannel