Arkiva Lajme - Tv Klan 2000

Politizimet apo dhe inatet personale duket se ende nuk kanë lejuar shkencën e historisë të përcaktojë vendin e secilit në këtë Histori. Pasojat e kësaj kontradikte gjatë këtij gjysëmshekulli janë ndjerë dhe në Muzeun Historik Kombëtar, ku pavioni i lashtësisë është shumë më i pasur dhe i plotësuar. Po ashtu dhe mesjeta, rilindja e pavarësia. Ndërsa periudha e Revolucionit të Qershorit, Monarkisë, Lufta Nacional Çlirimtare dhe Socializmi kërkojnë rikonstruktim.

Politizimi i Historisë dhe dimensionimi jo real i disa prej ngjarjeve më të rëndësishme të shekullit të XX, kanë bërë që këtu herë të shtohen stenda e herë të hiqen. Punonjësit e këtij institucioni më shumë kujdes kanë renditur relike por më pas dikush ka dalë armik e më pas përsëri hero.

Ndërkohë ato që janë jashtë politikës duket se e kanë gjetur prej kohësh vetveten. Në Nëntor të vitit të kaluar është hapur pavioni i ikonografisë dhe në vitin 1996 është hapur ai i genocidit. Punonjësit e këtij institucioni kërkojnë që të vihen pikat mbi i një herë e mirë dhe të sistemohet historia me gjurmët e saj. E vetmja që duhet ruajtur është Historia./tvklan.al


SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/