Reshjet intensive të shiut kanë shkaktuar probleme edhe në qarkun juglindor të vendit.

Dalja e përroit në fshatin Porodinë bëri që uji të vërshojë më rrugët e fshatit duke shkaktuar edhe dëme për banorët.

Oborret e banesave në anë të këtij përroi por edhe kasollet e bagëtive janë përmbytur ndërsa banorët tregojnë se kjo situatë edhe pse përsëritet shpesh i ka gjetur të papërgatitur.

Pas sinjalizimit për situatën është dashur ndërhyrja me fadroma dhe eskavatorë për të pastruar përroin dhe ulur nivelin e ujit i cili vërshoi si pasojë e bllokimit duke shkaktuar dëme për 15 familje dhe gjënë e gjallë.

Reshjet e shumta të paradites së sotme kanë sjellë vështirësi në qarkullimin e mjeteve edhe në aksin rrugor Lin-Pogradec. Vështirësitë më të mëdha kanë qenë në kryqëzimet e fshatrave me aksin nacional. Ujëra që kanë sjellë me vete edhe inerte duke e bërë të vështirë kalimin e mjeteve ndërsa u desh ndërhyrja me mjete për normalizimin e situatës.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Pogradec#Korce#TopChannel