Robert Budina u shpreh para godinës së SPAK-ut, se beteja e tyre do të vijojë deri në fund. Ai i kërkoi SPAK-ut që të mos e çojë popullin në përplasje. Nëse nuk ka rezultate nga SPAK, Budina tha se në momentin final duhet të një revoltë një bllokim total.

"I nxisim që të reagojnë sepse ishte tentativë për vrasje. Do të kërkojmë hetimin për tentativën për vrasje të artistëve dhe hetimin e RENEA-s, ne nuk jemi terroristë. Ne nuk ishim të armatosur.

Kemi dëshmitë e njerëzve, që dëgjuan fadromat që kishin filluar të godisnin, pamje filmike, njerëzit ndërkohë që rrëzohej fasada dalin me vrap nga godina. Pamjet janë të qarta. Do i çojmë ku janë specialistë nëpër botë. Kemi kërkuar që faktori ndërkombëtar të hapë hetim.

Kanë thënë po, nëse do të hapet do të sjellin prokurorë ndërkombëtarë. Protestat absolutisht do i vijojmë nëse nuk lëviz prokuroria. Ne na takon të fitojmë legjitimitetin që këta janë të kapur. Në momentin final duhet të një revoltë një bllokim total që të fillojnë që të lëvizin.

Nuk e mbrojtëm dot. Ne do ta cojmë këtë lëvizje në të gjithë Shqipërinë, prandaj ata kanë detyrë të mos e cojnë popullin në përplasje me qeverinë. Prandaj të hapin procese dhe ti bëjnë me dije popullit. Do ta cojmë deri në fund betejën tonë" tha ai.