Kryeministri Edi Rama shprehet se Shqipëria e ka kaluar provimin e parë përsa i përket njohjes së patentave në Gjermani. Kreu i qeverisë thotë se gjatë Konferencës së Sigurisë në Mynih takoi Ministrin Federal të Transporteve, i cili ka theksuar se misioni teknik gjerman ndodhet në Tiranë. Sipas Ramës, ministri gjerman ka vlerësuar kalimin e shërbimeve online. Tashmë, thotë Rama, duhet vetëm pak durim, se provimin e kemi kaluar me sukses.

"Një lajm i mirë për miqtë e kësaj faqeje që presin njohjen e patentave të drejtimit të makinave të tyre në Gjermani. Në Konferencën e Sigurisë në Mynih, bisedova edhe me Ministrin Federal të Transporteve, i cili më tha, citoj, ?Misioni ynë teknik në Tiranë është befasuar nga transformimet që keni kryer në Drejtorinë e Transportit Rrugor, përmes digjitalizimit të shërbimeve! Zgjidhjet e reja digjitale që keni realizuar janë origjinale dhe bindëse për t?i përcjellë Qeverisë Federale një opinion pozitiv?.Aprovimi i shumëpritur i njohjes së patentave shqiptare të drejtimit, kalon përmes të 16 parlamenteve të landeve të Republikës Federale të Gjermanisë dhe kjo do të kërkojë pak kohë, por ndërkohë çdo aprovim bën që në landin përkatës njohja të hyjë në fuqi menjëherë. Pak durim tanimë, se provimin e kemi kaluar me sukses dhe ky është një fakt që na inkurajon shumë për vazhdimin e Revolucionit Digjital 2020. Një bravo të madhe ekipit drejtues të DPSHTRR që po e transformon çdo ditë atë strukturë nga një vatër korrupsioni legjendar, në një mekanizëm shtetëror në shërbim të qytetarëve' shkruan ai.