VMRO-DPMNE-ja nuk do të negociojë për harmonizimin e propozim-Ligjit për Prokurorinë Publike derisa nuk pranohen vërejtjet e tyre. Kreu i VMRO-së Mickoski thotë grupi i ekspertëve nga partia e tij do të ulet vetëm atëherë kur pushteti do të heq dorë nga propozimi, siç e quan ai kundër kushtetues. Opozita kërkon të propozojë prokurorin duke këmbëngulur që nga teksti i propozuar të largohet edhe dispozita që parashikon sistemimin e ish prokurorëve special në Prokurorinë për Krim të organizuar dhe korrupsion.