Maqedonia e Veriut vazhdon të mbetet në vendet e fundit në rajon lidhur me zhvillimin njerëzor. Sipas raportit të fundit të UNDP-së, vendi madje është i treti nga fundi në Evropë ndërsa i 82 në botë, nga gjithsej 189 vendet e përfshira në raport. Para Maqedonisë janë Sllovenia në vendin 24, Greqia në të 32, Kroacia në të 46, Mali i Zi dhe Bullgaria në vendin e 52, Serbia në të 63, Shqipëria në të 69 ndërsa Bosnja e Hercegovina në vendin e 75.  Përfaqësuesi i UNDP-së për Evropë dhe Euro Azi, Ben Sjel, tha se indeksi për Maqedoninë tregon se në cilat çështje konkrete duhet të punojë vendi.