ഇന്ത്യാ ബംഗ്ലാദേശ് മത്സരത്തിന്റെ ആദ്യദിനം പിന്നിട്ടപ്പോൾ 150 റൺസിലാണ് ബംഗ്ലാദേശ് ബാറ്റ്സ്മാന്മാർ എല്ലാവരും പുറത്തായത്. ഒരു ദിവസം പോലും പിടിച്ചുനിൽക്കാൻ സാധിക്കാതെയുള്ള ബംഗ്ലാദേശ് ബാറ്റ്സ്മാന്മാരുടെ മോശം ബാറ്റിങിന്റെ കാരണം എന്തെന്ന് വ്യക്തമാക്കിയിരിക്കുകയാണ് ബംഗ്ലാ നായകൻ മോമിനുൾ ഹഖ്.

ഇന്ത്യക്കെതിരായ മത്സരത്തിൽ ടോസിന്റെ ആനുകൂല്യം സ്വന്തമാക്കിയ ബംഗ്ലാദേശ് ആദ്യം ബാറ്റ് ചെയ്യുവാനുള്ള തീരുമാനമാണ് എടത്തത്. ഈ തീരുമാനത്തിൽ തെറ്റില്ലായിരുന്നുവെന്നും എന്നാൽ ടോസിന്റെ ആനുകൂല്യം മുതലാക്കുന്നതിൽ തങ്ങൾ പരാജയപ്പെട്ടെന്നും ബംഗ്ലാ നായകൻ പറയുന്നു.