FIER- Florian Selimi, 23-vjeç është gjetur i pajetë ditën e sotme rreth orës 07:00 të mëngjesit në një kanal në vendin e quajtur "Kthesa e Hamilit" në fshatin Sulaj të Fierit. Ai ka ndërruar jetë si pasojë e plagës së marrë me thikë gjatë një konflikti.

Nga këqyrja paraprake e vendit të ngjarjes dyshohet se viktima mund të ketë ndaluar në Sulaj të Fierit për të rregulluar një defekt pasi makina u gjet me kofano të hapur.

Policia ka shoqëruar disa persona, ndërkohë që ende nuk është bërë e mundur identifikimi i autorit.

Dyshohet se në 2015 Selimi kishte vjedhur dhe më pas kishte djegur një automjet në lagjen '15 Tetori'.