12 persona janë shoqëruar nga policia në orët e para të mëngjesit në qytetin e Dibrës pas sulmit ndaj forcave të rendit mbrëmjen e djeshme, duke tentuar të futen me dhunë në KZAZ nr.19 në palestrën e shkollës së mesme 'Nazmi Rushiti'.

Militantët e Partisë Demokratike po protestojnë përpara komisariatit të policisë për të kërkuar lirimin e tyre.

Ndërkohë që forca të shumta policie janë vënë në ruajtje të KZAZ ku ndodhi sulmi i djeshëm për të shmangur ndonjë incident të mundshëm.