Avokatët e grupit të Kumanovës të dënuar me qindra vite burg kërkojnë anulimin e vendimit të shkallës së parë. Gjatë seancës së shqyrtimit të ankesave në Apel, avokatët thanë se akuzat për terrorizëm dhe organizimin terrorist nuk mbajnë fare, pasi siç thonë ka pasur një përleshje të armatosur nga të dyja palët ndërsa policia e para ka hapur zjarr pa paralajmërim në Lagjen e Trimave. Nga vendimi i shkallës së parë, 33 pjesëtarët e grupit të Kumanovës u dënuan me 746 vite burg.