Në Kuvendin e Kosovës ka filluar debati për themelimin e Tribunalit Ndërkombëtarë që do të hulumtojë gjenocidin e bërë ndaj shqiptarëve nga forcat serbe në luftën e fundit në Kosovë. Kryeparlamentari Kadri Veseli , tha se do të ishte e pafalshme nëse faktori ndërkombëtarë nuk do të përkrahte këtë iniciative. Ndërsa, presidenti i Kosovës Hashim Thaçi, e ka vlerësuar si punën më të mençur që mund të bëjë Kuvendi i Kosovës. Deputetja e PDK-së Flora Brovina sot ka paraqitur një fotografi që sipas saj dëshmon dhunimin e tmerrshëm të një gruaje 35 vjeçare nga 3 ushtarë serbë gjatë luftës në Kosovë, në sy të familjarëve të saj.