Ministri i Punëve të Brendshme, Oliver Spasovski, në një dalje para gazetarëve menjëherë pas mbylljes së qendrave të votimit njoftoi se zgjedhjet e sotme kanë qenë zgjedhjet më të qeta të zhvilluara ndonjëherë në vendin tonë. Sipas tij këto zgjedhje krahasuar me zgjedhjet e fundit, ato lokale të para dy viteve, ka pasur 5 herë më pak incidente. Sipas Spasovskit, në këto zgjedhje  Maqedonia e Veriut i tregoi botës se është në gjendje të mbajë zgjedhje të lira dhe të ndershme.