Në tubimin e opozitës nuk munguan protestues të maskuar. Njëri prej tyre, Armando Gecaj, 26 vjeç, është pikasur nga kamerat në disa nga momentet e dhunës që u shënuan si para kryeministrisë, ashtu edhe para Parlamentit. Report Tv sjell pamjet e tij gjatë momenteve të ndryshme në protestë.

Fillimisht nxjerr nga xhepi i xhupit të tij një numër të madh kapsollësh, dhe nis t'i shpërthejë para kordonit të policisë të vendosur në hyrjen e kryeministrisë.