http://www.vizionplus.tv https://facebook.com/VizionPlusTV https://twitter.com/VizionPlusTV Prokuroria e Krimeve të Rënda vë në sekuestro pronat e ish deputetit socialist Arben Ndoka, si dhe të familjarëve të tij.Burime nga organi i akuzës konfirmojnë për Vizion Plus se në kuadër të hetimit të nisur në vitin 2016 për dosjen e cilësuar tashmë si ?339?, janë sekuestruar 300 mijë metra katrorë tokë në bregdetin e Lezhës, dhe konkretisht në vendin e quajtur Mali i Rrenzit, Shëngjin, Rana e Hedhur, Laguna e Lezhës, si dhe disa apartamente në plazh.Mësohet se pronat e sekuestruara kapin vlerën e rreth 40 milionë euro.Sipas prokurorisë, kjo sipërfaqe toke, e gjitha në bregdet është përfituar në mënyrë të jashtëligjshme e duke falsifikuar dokumentat.Dy prokurorët që vendosën për sekuestron e kësaj pasurie janë Vladimir Mara e Dritan Prençi, ndërsa në kuadër të këtij hetimi janë firmosur edhe disa urdhra të tjerë arresti.Ish deputet, si dhe familjarë të tij u arrestuan muaj më parë në kuadër të operacionit Volvo 4. Ndërsa tashmë me vendim gjykate Arben Ndoka ndodhet në masën e sigurisë arrest shtëpie.Në operacionin ?Volvo 4? u goditën 4 grupe kriminale, mes të cilëve edhe ata të fisit Avdylaj në Shijak, si dhe ish drejtori i burgjeve, Arben Çuko.