સુરત: શહેરમાં 13 એપ્રિલના રોજ સારોલીના પૂણા કુંભારિયા રોડ પર આવેલાં નેચરવેલી એપાર્ટમેન્ટના 12મા માળેથી (120 ફૂટ) ઉંચાઈએથી 13 વર્ષની હેતલ નામની કિશોરીનો પગ લપસતાં નીચે પટકાઈ હતી આ ઘટના સીસીટીવીમાં કેદ થઈ જવા પામી છે કિશોરીને હાથ-પગ, માથું અને કરોડરજ્જુ સહિતની જગ્યાઓ પર 18 જેટલાં ફ્રેક્ચર થયાં હતાં 12માં માળેથી પટકાયેલી વ્યક્તિ બચી ન શકે, પણ પતરાંનાં શેડ પર પડતાં શેડ તૂટી ગયો, જેથી પછડાટ ઓછી લાગતાં તે બચી ગઈ હતી ડોક્ટરોએ તેના પર ઘણી બધી સર્જરીએ કર્યા બાદ હવે તે સ્વસ્થ થઈ રહી છે